2017-ci ilin ilk rezidentura sınaq imtahanının bəzi statistik göstəricilərini sizinlə bölüşmək istəyirik. Keçən dəfə olduğu kimi bu dəfə də sizə ilk 5-likdə yer alan iştirakçıların ballarını və fakültələrini qeyd edirik.

Belə ki, rezidentura sınaq imtahanında 1-ci yer 93 bal, 2-ci yer 2 iştirakçı olmaqla 67 bal,  3-cü yer 65 bal, 4-cü yer 3 iştirakçı olmaqla 59 və 5-ci yer 58 bal toplamışdır. 2-ci yerdən bir iştirakçı istisna olmaqla qalan yerlərdə Müalicə-işi fakültəsi istiqaməti üzrə imtahan verən iştirakçılardı. 2-ci yer isə Stomatologiya fakültəsi istiqaməti üzrə sınaq imtahanı verən iştirakçı tutub. Qeyd edək ki, 1-ci, 2-ci və 4-cü yeri tutan iştirakçı kursumuzda təhsil alan tələbələrdi.

İlk 5-likdə yer alan bütün iştirakçılar Azərbaycan bölməsində təhsil alırlar. Fakültələr üzrə ən yüksək nəticələrə gəldikdə qeyd etdiyimiz kimi Müalicə işi və Pediatriya istiqaməti üzrə ən yüksək 93, Stomatologiya istiqaməti üzrə 67, Tibbi Profilaktika istiqaməti üzrə 47, Hərbi Tibb fakültəsi üzrə isə 50 bal olmuşdur. Rus bölməsi üzrə ən yüksək nəticə 47 bal olmuşdur.

Elan etdiyimiz kimi ən yüksək nəticə toplayan iştirakçıya kitab mükafatı təqdim olunacaq. Beləliklə, 93 balla ən yüksək nəticə göstərən Həsənli Ülkəri təbrik edirik və ona bol uğurlar arzulayırıq. 🙂

Əgər siz də adınızı ilbəil artan uğur siyahımızda görmək istəyirsinizsə Hippokrat rezidentura kursu proqramına müraciət edə bilərsiniz . Hippokrat rezidentura hazırlığı kursu haqqında məlumat üçün buradan keçid edə bilərsiniz .